នៅព្រឹកថ្ងៃសុក្រ ៥កើត ខែបុស្ស ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៧ ខែមករា ឆ្នាំ ២០២២នេះ សមាជិក សមាជិកាដែលជាតំណាងគណបក្ស ភ្លើងទៀន តាមបណ្ដាក្រុង ស្រុកនានា នៅទូទាំងខេត្តកំពតបានមកជួបជុំគ្នានៅភូមិល្អាង ឃុំល្អាង ស្រុកដងទង់ ដើម្បីរៀបចំពិធីបើកសម្ភោធទីស្នាក់ការ និងប្រកាសសមាសភាពថ្នាក់ដឹកនាំបណ្ដោះអាសន្នគណបក្ស ភ្លើងទៀន ប្រចាំខេត្តកំពត។
ពិធីនេះបានប្រារព្ធឡើងក្រោមអធិបតីភាព ឯកឧត្ដម ថាច់ សេដ្ឋា ប្រធានស្ដីទីគណបក្ស ភ្លើងទៀន និងឯកឧត្ដម ចេប គឹមអ៊ាង អនុប្រធានទី២។
កំពត គឺជាខេត្តទី១៧ហើយ ដែលបានសម្ពោធលើកស្លាកទីស្នាក់ការគណបក្ស ភ្លើងទៀន ប្រចាំខេត្តរបស់ខ្លួន ដើម្បីបន្តបេសកកម្មជាតិ ក្នុងនាមគណបក្សនយោបាយដែលបានប្រកាន់យកគោលនយោបាយប្រជាធិបតេយ្យសេរី យ៉ាងពិតប្រាកដតែមួយគត់ នៅប្រទេសកម្ពុជា៕
